Upieršyniu ŭ finansavaj spravazdačy bujnoha hiermanskaha rytejlera Metro Group źjaviłasia ryzyka, źviazanaja z Rasijaj. Heta makraekanamičnyja i sacyjapalityčnyja ryzyki, źviazanyja z «hieapalityčnym kanfliktam u Rasii / Ukrainie».
Ukrainski kanflikt azmročvaje palityčnuju situacyju ŭ Jeŭropie, piša rytejler ŭ hadavoj spravazdačy: «Jon nie tolki pryvioŭ da ekanamičnych prablem u samoj Ukrainie, ale i praciahvaje niehatyŭna ŭpłyvać na i tak zapavolenuju rasijskuju ekanomiku». Abiascenieńnie nacyjanalnaj valuty paskoryła rost spažyvieckich koštaŭ — asabliva heta zakranuła Rasiju, Turcyju i Indyju, adznačaje Metro. U toj ža čas u bolšaści krain jeŭrazony inflacyja nižej za siarednija ŭzroŭni, spažyvieckija ceny źnižajucca ŭ niekatorych krainach.
Prodažy Metro ŭ Rasii za kaniec minułaha — pieršyja dzieviać miesiacaŭ hetaha hoda nie paciarpieli: naadvarot, vyručka «rezka vyrasła» «amal na dvuchznačnyja pracentnyja pakazčyki». Burny rost roźničnych pakazčykaŭ u rasijskim roźničnym handli ŭ cełym u asnoŭnym vyklikany rostam cen, pakazvaje ŭ spravazdačy Metro.
Pavodle prahnozu Metro, situacyja z dramatyčnym rostam cen u Rasii, chutčej za ŭsio, praciahnie ŭtrymlivacca jašče «niekatory čas», a rasijskaja ekanomika zmoža «pakazać pa mienšaj miery lohki rost» ŭ 2015 h.
