Kantrakt Biełarusi z rasijskim AAT «Hazprom» ab pastaŭkach hazu ŭžo parafiravany, paviedamiŭ 16 śniežnia na pres-kanfierencyi ŭ Minsku namieśnik ministra enierhietyki Vadzim Zakreŭski.
«Pahadnieńnie pa hazie znachodzicca nie prosta ŭ vysokaj stupieni hatoŭnaści — jano ŭžo parafiravana. Zastałosia zaraz jaho tolki padpisać», — skazaŭ namieśnik ministra.
Nahadajem, na minułym tydni pieršy vice-premjer Uładzimir Siamaška paviedamiŭ, što z ulikam devalvacyi rasijskaha rubla košt hazu dla Biełarusi źnizicca ź ciapierašnich 168 dołaraŭ za tysiaču kubamietraŭ da 154—155 u 2015 hodzie.
Nakont upłyvu źnižeńnia cen na realny siektar ekanomiki, Vadzim Zakreŭski zaznačyŭ: taryfy dla jurydyčnych asob na 2015 hod pryniatyja «takimi, jak i sioleta».
«Što da cemientnych zavodaŭ, šklanoj haliny, jany majuć prefierencyjalnyja taryfy — i pa elektraenierhii, i pa hazie. Tamu my bałansavali 2015 hod, zychodziačy z pakazčykaŭ 2014 hoda. Adpaviedna, i taryfny składnik dla ich budzie taki ž», — udakładniŭ namieśnik ministra.
