U 2015 hodzie taryfy mohuć być pavialičanyja da ŭzroŭniu poŭnaha pakryćcia nasielnictvam zatrat na elektrazabieśpiačeńnie, paviedamiŭ namieśnik hienieralnaha dyrektara DVA «Biełenerha» Siarhiej Šabieka na pres-kanfierencyi ŭ Minsku 16 śniežnia.
«Takaja vierahodnaść jość», — skazaŭ jon, adkazvajučy na pytańni žurnalistaŭ ab zapłanavanym pavyšeńni taryfaŭ na elektraenierhiju.
Pry hetym jon padkreśliŭ, što rost taryfaŭ budzie ŭ 2015 hodzie ŭviazany z rostam dachodaŭ nasielnictva. «U zaležnaści ad tempaŭ rostu zarpłat štokvartalna, jak i sioleta, budzie razhladacca ekanamičnaja mahčymaść chatnich haspadarak zapłacić za elektraenierhiju. Budzie rost zarpłat — budzie ruch (u častcy pavyšeńnia taryfaŭ)», — adznačyŭ Šabieka.
Pry hetym jon padkreśliŭ: «Biełenerha», jak vytvorca elektraenierhii, zacikaŭleny ŭ poŭnym pakryćci nasielnictvam zatrat na elektrazabieśpiačeńnie. «My spadziajemsia, jak vytvorcy elektraenierhii, što ŭ 2015 hodzie vyjdziem na poŭnaje pakryćcio nasielnictvam takich zatrat», — skazaŭ Šabieka.
Pavodle danych Ministerstva enierhietyki, pa vynikach hetaha hoda, z ulikam raspačatych mier pa pavyšeńni taryfaŭ na pryrodny haz, elektra- i ciepłaenierhiju, uzrovień pakryćcia nasielnictvam zatrat na akazańnie pasłuh składzie: pa elektrazabieśpiačeńni — 81,9%, pa ciepłazabieśpiačeńni — 22,4%, pa hazazabieśpiačeńni — 41,3%.
