Novy servis maje sproščanuju praceduru stvareńnia prajektaŭ i pryvablivańnia inviestaraŭ, a taksama piersanifikavanuju padtrymku. Ź jaje dapamohaj možna paprasić hrošy na adukacyju, spraŭleńnie śviata ci lekavańnie.
Płatforma nie budzie źbirać adsotak ad sabranych srodkaŭ.
Prajekt užo maje peŭnyja pośpiechi. Naprykład, na lekavańnie dziaciej Eryka Harniera, što paciarpieli ad palicejskaha svavolstva, sabrana 33,5 tysiač dalaraŭ z 25 minimalna nieabchodnych.
***
Kraŭdfandynh – mietad finansavańnia prajektaŭ, pry jakim ludzi dabraachvotna pieradajuć hrošy na vytvorčaść jašče nie realizavanaha pradukta, pasłuhi ci mastackaha tvoru. U zaležnaści ad sumy ŭniosku raspracoŭščyki abiacajuć prostuju padziaku, sam pradukt ci bonusy kštałtu imia ŭ pradukcie ci ŭdziełu ŭ jaho stvareńni.
Najvialikšaja płatforma kraŭdfandynha, Kickstarter, dapamahła sabrać miljony dalaraŭ na tysiačy prajektaŭ. Samy bujny z paśpiachova prafinansavanych – prajekt razumnych hadzińnikaŭ Peeble, na jaki było sabrana bolš za 10 miljonaŭ dalaraŭ. Absalutny rekord kraŭdfandynhu – 12,8 młn dalaraŭ, sabranych na Indiegogo na prajekt smartfona Ubuntu Edge. Smartfon nie byŭ vypuščany – kampanija pa zbory srodkaŭ vymahała 32 miljony. Uniesienyja srodki Indiegogo viarnuła.
***
Nahadajem, achviaravać hrošy praź internet na lekavańnie možna i dla šmatlikich biełarusaŭ. Naprykład, dziakujučy servisu «MajeSens» pravodziacca dabračynnyja sustrečy ź cikavymi ludźmi, apłata za jakija idzie na lekavańnie dziaciej i dapamohu niekamiercyjnym arhanizacyjam.
