Śpiavačka Taciana Matafonava (Hrynievič)apantanaja biełaruskaj paezijaj. Jana z zachapleńniem vykonvaje pieśni na tvory ajčynnych paetaŭ, sama składaje muzyku da ich dy mocna škaduje, što ciapierašnija školniki vielmi mała viedajuć biełaruskich vieršaŭ. U čym jana nia raz pierakonvałasia, vystupajučy z kancertami pierad vučniami. Ułasna i ideja vydańnia ŭźnikła z asabistaha dośviedu.
«Ideja ŭźnikła, kali synočku było ciažka vučyć vieršy. Ja padumała, što na słych jon budzie ŭsprymać vieršy lahčej, tamu i było zroblenaje hetaje aŭdyjo».
«Sotnia vieršaŭ» — heta padvojnaja składanka, mnohija na jakoj čytajuć sami aŭtary, takija jak Aleś Razanaŭ, Uładzimier Arłoŭ, Anatol Viarcinski, Vasil Zujonak, Michaś Skobła, Siarhiej Čyhryn, Viktar Šnip, Hienadź Buraŭkin. Voś jaho vierš «Ja chaču prajści pa ziamli»:
Hienadź Buraŭkin «Ja chaču prajści pa ziamli»
Ale balšynia hučyć u vykanańni Zinaidy Bandarenki, Paŭła Charłančuka, Jaŭhienii Žukovič dy inšych artystaŭ. Častku tvoraŭ, pakładzienych na muzyku, vykonvajuć Dziaržaŭny kamerny chor, chor «Unija», śpievaki Taćciana Biełanohaja, Alaksiej Halič, sama składalnica razam z synam Adasiem.
Voś jak hučyć u ichnim duecie vierš Natalli Arsieńnievaj «Rodny kraj» na muzyku Elviry Zubkovič:
Pryncyp adboru vieršavanaj sotni ź vialikaj nacyjanalnaj paetyčnaj skarbonki palahaŭ na školnaj prahramie. Ale ŭvajšli ŭ jaho i tyja, što ŭžo nie vyvučajucca na ŭrokach. I spadarynia Taćciana spadziajecca, što pasłuchaŭšy hetyja tvory ŭ pazaŭročny čas z nastaŭnikami ci navat baćkami, vučni palubiać rodnaje słova.
«Nu heta naša adzinaja zadača. Dla čaho my ŭvohule žyviem — dla taho, kab Biełaruś stała biełaruskaj. I dla hetaha treba pracavać, i pracavać, i pracavać».
