Na rasijskim rynku ŭźnik deficyt zamiežnych aŭtamabilaŭ, paviedamlajuć u sieradu, 17 śniežnia, «Viedomosti» sa spasyłkaj na krynicy ŭ dylerskich kampanijach.
Dystrybjutary spyniajuć pastaŭki mašyn dyleram, a dylery, u svaju čarhu, prypyniajuć prodažu nasielnictvu. Pa dadzienych analityčnaha ahienctva «Avtostat», 23 aŭtavytvorcy padniali ceny z pačatku śniežnia.
Pavodle infarmacyi haziety, BMW apaviaściła dyleraŭ ab nieabchodnaści apłacić zakantraktavanyja imi aŭtamabili na praciahu dvuch dzion u aŭtorak, 16 śniežnia. Pradstaŭnictva Jaguar Land Rover z 19 śniežnia prypyniaje pastaŭki ŭ Rasiju da pieraliku cenaŭ. Pry hetym Land Rover u listapadzie ŭžo indeksavaŭ ceny da 15%.
Z-za abvału rubla try bujnyja dylery — «Major», «Aviłon» i «Transtechsiervis» — całkam prypynili prodažy.
