Uvažliva pračytaŭ Manifiest u abaronu niezaležnaści i vyrašyŭ paraić arhanizataram Kanhresu za niezaležnaść niekatoryja dadatki.
Voś, naprykład, aŭtary prajekta Manifiesta pišuć:
«My zajaŭlajem:
Biełaruś — heta naš dom, u jakim my chočam budavać svajo žyćcio i hadavać nastupnyja pakaleńni. Naša ziamla nie pavinna być «ščytom», «farpostam» ci «bufieram» dla susiednich dziaržavaŭ. Raźmiaščeńnie zamiežnych vajskovych kantynhientaŭ i bazaŭ na terytoryi Respubliki Biełaruś niedapuščalnaje. Usie zamiežnyja vojski pavinny pakinuć našu terytoryju».
Prapanuju ŭžyć u tekście Manifiesta ideju Uładzimira Karatkieviča: «Biełaruś — naš Dom, naš Chram».
Adsiul musić być užyta ŭ Manifieście i ideja roŭnych pravoŭ dla viernikaŭ usich kanfiesijaŭ i adcurańnie ad najaŭnaści dziaržaŭnaj rielihijnaj kanfiesii. A pakul pravasłaŭnaja kanfiesija, jakoj kirujuć z Maskvy, de fakta zrabiłasia dziaržaŭnaj rielihijaj i pahražaje niezaležnaści.
Ideałahiema «Naš Dom — Biełaruś» patrabuje ŭviadzieńnia dziaržaŭnaj miažy z Rasijaj, bo adsutnaść miažy-ściany aznačaje, što naša Respublika pokul nie Dom, a prybudova ci kalidor. Adsutnaść miažy z Rasijaj dazvalaje Kramlu razhladać rasijskija vojski ŭ Biełarusi jak naturalnuju źjavu. Kryminalniki volna sunucca da nas z narkotykami i zbrojaj.
Manifiest u abaronu niezaležnaści miarkujecca pryniać na Kanhresie ŭ abaronu niezaležnaści, jaki maje adbycca ŭ Minsku 21 śniežnia. Jaho arhanizujuć Rada biełaruskaj intelihiencyi i Tavarystva biełaruskaj movy. Da ich niečakana dałučyłasia łukašenkaŭskaja Libieralna-demakratyčnaja partyja.