U Viciebskaj vobłaści žančyna za atrymańnie pryza ŭ niaisnaj akcyi zapłaciła amal 1,5 młn. rubloŭ. Raspačataja kryminalnaja sprava.

Jak paviedamiła aficyjnaja pradstaŭnica upraŭleńnia Śledčaha kamiteta pa Viciebskaj vobłaści Ina Harbačova, u pačatku śniežnia ŭ Šumilinski RAUS ad 31-hadovaj žycharki rajonnaha centra pastupiła zajava ab tym, što nieviadomy złačynca machlarskim šlacham zavałodaŭ jaje hrašami. 

Paciarpiełaja raskazała, što na numar jaje mabilnaha telefona pryjšło SMS-paviedamleńnie ab tym, što žančyna stała ŭładalnicaj pryza. Dla ŭdakładnieńnia abstavinaŭ atrymańnia vyjhryšu joj nieabchodna źviarnucca na ŭkazany ŭ paviedamleńni aficyjny sajt rasijskaj kampanii, jakaja pravodzić rozyhryšy siarod usich abanientaŭ sotavaj suviazi ŭ Biełarusi. Na sajcie paciarpiełaja znajšła ŭ śpisie pieramožcaŭ akcyi svoj numar.

Źviazaŭšysia z pradstaŭnikami kampanii pa mabilnym telefonie, žančyna atrymała parady, jakim čynam jana moža zabrać vyjhrany joju aŭtamabil abo atrymać hrašovuju kampiensacyju. Dla hetaha joj nieabchodna abo terminova pryjechać u Maskvu, što jaje nie zadavoliła, abo pieravieści hrošy za dastaŭku pryza na peŭny rachunak, a zatym pryjechać u Viciebsk pa adrasie, kudy, pavodle słoŭ pradstaŭnika kampanii, budzie dastaŭleny pryz. 

Vykanaŭšy ŭsie ŭmovy, u tym liku adpraviŭšy pryblizna 1,5 młn rubloŭ na nieviadomy rachunak, žančyna pryjechała atrymać padarunak. Adnak pa ŭkazanym adrasie ŭ Viciebsku znajšła dziciačy sadok. Sproby źviazacca z pradstaŭnikami kampanii da vyniku nie pryviali, tamu što telefony złačyncaŭ byli vyklučanyja. 

Pa hetym fakcie Šumilinskim rajonnym adździełam Śledčaha kamiteta Biełarusi raspačataja sprava na padstavie art. 209 KK (machlarstva). Pravodzicca kompleks śledčych dziejańniaŭ, skiravanych na ŭstanaŭleńnie vinavataj asoby.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?