«Razumnyja» prypynki płanujecca raźmiaścić u 2015 hodzie na najbolš bujnych pasažyraŭtvaralnych punktach Minska. Ab hetym paviedamiŭ žurnalistam namieśnik dyrektara dziaržaŭnaj ustanovy «Staličny transpart i suviaź» Andrej Iłaryjonaŭ.
«U Minsku razhladajecca mahčymaść ustanoŭki «razumnych» prypynkaŭ. Jany buduć ukamplektavanyja elektronnymi pryładami, jakija dajuć mahčymaść pasažyru aryjentavacca ŭ rabocie pasažyrskaha transpartu. Praduhledžvajecca, što na prypynkach raźmieścicca elektronnaje tabło, na jakim budzie adlustroŭvacca roznaja infarmacyja ab rejsavym raskładzie transpartu, schiemy i trasy maršrutaŭ», — skazaŭ Andrej Iłaryjonaŭ, adznačyŭšy, što masavaha raspaŭsiudžvańnia takija prypynki nie atrymajuć. Realizavać prajekt płanujecca za košt srodkaŭ pryvatnych inviestaraŭ.
Što datyčycca prypynačnych punktaŭ u spalnych rajonach horada, to tut razhladajecca mahčymaść ustanoŭki typavych infarmacyjnych błokaŭ, dzie raźmieścicca infarmacyja ab raskładzie ruchu transpartu.
Elektronnym tabło z raskładam hramadskaha transpartu abstalavany amal 30 pracentaŭ prypynačnych punktaŭ stalicy. U pieršym kvartale 2015 hoda interaktyŭnyja ekrany źjaviacca na 20 prypynkach pa praśpiekcie Niezaležnaści.
