Sud ES pastanaviŭ vyklučyć palestynski isłamiscki ruch CHAMAS ź śpisu terarystyčnych arhanizacyj, paviedamlajecca ŭ sieradu ŭ pastanovie suda.
fota AR
CHAMAS z 2007 hoda kiruje ŭ palestynskim siektary Haza. Staŭleńnie da jaho ŭ śviecie nieadnaznačnaje. Jeŭrasajuz, Izrail, Kanada, ZŠA i Japonija kvalifikujuć CHAMAS jak terarystyčnuju strukturu. U Iardanii jon zabaronieny. Adnak u Aŭstralii i Vialikabrytanii tolki vajennaje kryło hetaha ruchu pryličajuć da śpisu terarystyčnych arhanizacyj.
***
Ruch isłamskaha supracivu CHAMAS (Harakat al-Muqawama al-Islamiya) zasnavany 14 śniežnia 1987 hoda ŭ siektary Haza viadomym musulmanskim dziejačam šejcham Achmiedam Jasinam. Jon stvorany na bazie dvuch hrupovak, jakija dziejničali ŭ Hazie, što byli aficyjna zarehistravanyja jak kulturna-aśvietnickija, jakija zajmalisia dabračynnaściu: «Kryło bratoŭ-musulman Zachodniaha bieraha raki Jardan i siektara Hazy» i «Isłamski džychad — Palestyna».
U asnovu ideałohii ruchu lehła «Chartyja CHAMAS» («Isłamskaja chartyja»), pryniataja ŭ žniŭni 1988 hoda. U hetym dakumiencie zajaŭlenaja meta stvareńnia palestynskaj dziaržavy na ŭsioj terytoryi, jakuju zajmała padmandatnaja Palestyna da ŭtvareńnia Izraila ŭ 1948 hodzie. Adno z hałoŭnych patrabavańniaŭ CHAMAS — sychod Izraila z akupavanych ŭ 1967 hodzie terytoryj.