Barysłaŭ Biaroza, pres-sakratar ukrainskaj nacyjanalistyčnaj arhanizacyi «Pravy siektar» pavinšavaŭ «usich, chto adznačaje hetaje śviata» ź viasiołaj Chanukaj.
«Siońnia Chanuka — žydoŭskaje śviata cudu, śviata pieramohi ŭ vajnie pamiž śviataściu i niečyścinioj. Śviata pieramohi dabra nad złom, śviatła — nad ciemraj, śviata nadziei», — napisaŭ u svaim błohu Bierieza, abrany ŭ parłamient Ukrainy razam z kiraŭnikom «PS» — Dźmitryjem Jarašam.
Barysłaŭ Biaroza i Dźmitryj Jaraš na fonie»banderaŭskaha» ściaha «Pravaha siektara».
«Ja žadaju miru i našaj śvietłaj pieramohi nad voraham Ukrainy. Ja vieru, što nam atrymajecca zrabić cud. Z B-žaju dapamohaj my pieramožam našaha voraha na ŭschodzie, adrodzim Ukrainu… Sa śviatam Chanuki!», — skončyŭ svoj dopis ukrainski nacyjanalist žydoŭskaha pachodžańnia.
40-hadovy Biaroza paznajomiŭsia ź Jarašam padčas Jeŭramajdanu i staŭ adnym z pradstaŭnikoŭ «PS».
Chanuka — judejskaje śviata adnaŭleńnia słužbaŭ u Jerusalimskim Chramie paśla advajavańnia judejami Chramavaj hary ŭ hreka-siryjskich vojskaŭ u 2 stahodździ da Rastva Chrystova.