Halereja sučasnaha mastactva «Ŭ» sumiesna z kampanijaj velcom zaprašaje dzietak i baćkoŭ na tradycyjny kaladny fiestyval – čas pryhod i siurpryzaŭ, čaroŭnych padarunkaŭ i zachaplalnych majstar-kłasaŭ u «Horadzie cudaŭ»!
Jak stvarać kazačnych hierojaŭ i čaradziejnyja rečy, jak zrabić samy lepšy padarunak dla siabra i samuju niezvyčajnuju paštoŭku dla baćkoŭ – usio heta pakažuć i raspaviaduć prafiesijnyja majstry, jakija zładziać sieryju majstar-kłasaŭ dla małych naviedvalnikaŭ festa pa rospisu draŭlanych fihurak, padrychtoŭcy eka-hirland, papiarovych jalinak, natchnialnych tabličak i inšych padarunkaŭ.
Razam z hałoŭnym partnieram festu — kampanijaj velcom — dzieci trapiać u cudoŭnuju «razumnuju škołu» velcom smart children school i daviedajucca, jak pravieści cikava i karysna čas z mabilnym telefonam albo płanšetam, stvorać «hierojskija» paštoŭki, jakija paśla festu buduć adpraŭleny adrasatam, razam z baćkami zmohuć pryniać udzieł u zbory adpracavanych batarejek, vykinuŭšy ich u śpiecyjalny kantejnier.
NPO «Hransistema», partnier fiestyvalu, dapamoža dzietkam zładzić padarunki da śviata!
Hledačoŭ i naviedvalnikaŭ fiestyvalu ŭ halerei sučasnaha mastactva «Ŭ» čakaje prahrama z kaladnymi śpievami, tancami i hulniami ad elektronnaha prajektu ŠUMA voices i dziciačaha falkłornaha ansamblu «Viesiančuk». Dzietki daviedajucca pra toje, jak našyja prodki śviatkavali kalady, paznajomiacca z kaladnymi simvałami i daviedajucca pra ich sensy, a taksama navučacca tradycyjnym tancam i paŭdzielničajuć u hulniach.
Supravadžeńnie prahramy – vizualnaja instalacyja ad vj Nastassi Kaźlonak.
Siarod inšych zabaŭ – heta majstar-kłas «Jak pabudavać zamak» u subbotu, 20 śniežnia, u 14:00 u kniharni «ŁohvinaŬ» i tam ža, u niadzielu, 21 śniežnia, – čytańni dziciačych knih i litaraturnyja siurpryzy.
Uvieś čas budzie adčynienaja krama dyzajnierskich rečaŭ «Ŭ», dzie možna budzie nabyć dla dzietak cacki, upryhožvańni i inšyja pryjemnyja rečy ad biełaruskich dyzajnieraŭ: dla tych, chto jašče nie vyznačyŭsia sa śviatočnym padarunkam – heta bieźlič varyjantaŭ śviatočnych suvieniraŭ!
