Na čaćvier, 18 śniežnia, zapłanavana narada z udziełam Alaksandra Łukašenki pa šyrokim pieraliku ekanamičnych pytańniaŭ.
Hetu infarmacyju TUT.BY paćvierdzili niekalki nie źviazanych adzin z adnym krynic.
«U paradku značycca nie tolki situacyja z rasijskim rublom. Koła — šyrejšaje. Asnova narady — ekanamičnaja», — skazaŭ adzin z surazmoŭcaŭ.
Pa słovach inšaj krynicy, «u centry ŭvahi, viadoma, situacyja ŭ rasijskaj ekanomicy, jak jana adabjecca na Biełarusi».
«Viedamstvy, banki paprasili padrychtavać svaje prapanovy na hety kont», — adznačyŭ jon.
Pavodle infarmacyi TUT.BY, učora i siońnia ŭ bankach prachodzili ŭnutranyja narady.
