Nie tak daŭno Rasija była samym vyhadnym miescam dla pakupki iPhone 6 i inšaj techniki. Ale paśla taho, jak u adnu ličbu syšlisia kurs rasijskaha rubla da dalara, cana barela nafty Brent i ŭzrost prezidenta Rasii, Apple prypyniła prodažy ŭ Rasii praź internet dziela vystaŭleńnia novych cen.
Sietka kramaŭ re:Store, aficyjny reseler techniki Apple u Rasii, a taksama šerah inšych kramaŭ, vystavili ŭviečary 17 śniežnia novyja ceny na iPhone dy inšyja hadžety.
iPhone 6 z 16 Hb pamiaci padskočyŭ u canie na 37%, z 40 tysiač rasijskich rubloŭ da 55 tysiač albo 824 dalary.
Cana na iPhone 6 z maksimalnym abjomam pamiaci ŭ 16 Hb składaje 75 tysiač rasijskich rubloŭ albo 1057 dalaraŭ. iPhone 6 Plus kaštuje adpaviedna 60 i 70 tysiač (899 i 1048 dalaraŭ) za viersii z 16 i 128 Hb.
Biełaruskija ceny na iPhone 6 z 16 Hb pamiaci – kala 750 dalaraŭ, na iPhone 6 Plus z 16 Hb – 950 dalaraŭ.
Jak ni dziva, ale kuplać iPhone 6 ciapier vyhadna ŭ Biełarusi, a iPhone 6 Plus – u Rasii.
Padnialisia rasijskija ceny i na techniku kankurenta Apple, karejcaŭ Samsung. Naprykład, smartfon Samsung Galaxy Note 4 ciapier kaštuje 54 tysiačy rasijskich rubloŭ (809 dalaraŭ), a jaho «brat» z zahnutym ekranam Galaxy None Edge – 65 tysiač (973 dalary).
***
Viartać kvitki na ciahniki možna ŭ čyhunačnyja kasy. Kali kvitok viartajecca nie paźniej jak za 24 hadziny da adbyćcia, viartajecca poŭny košt kvitka i płackarty. Kali ad 24 da 6 hadzin da adpraŭleńnia – košt kvitka i pałova płackarty. Paźniej (i navat praz 3 hadziny paśla adbyćcia) viartajecca tolki cana kvitka biez płackarty. Padrabiaznyja praviły viartańnia kvitkoŭ na sajcie BČ. Telefon biuro daviedak vakzała – 105.
Viartać kvitki možna i na aŭtobusy ŭ kasu adpaviednaha aŭtavakzału. Kali kvitok zdajecca nie paźniej jak za 2 hadziny da adbyćcia, viartajecca poŭny košt kvitka minus kamisija. Kali ad 2 hadzin da 15 chvilin da adbyćcia – 85% koštu minus kamisija.
