Darahija siabry!
Kniharnia «łohvinaŬ» ustupiła ŭ składany pieryjad svajoj historyi. Jak vy, mahčyma, ŭžo viedajecie, praź miesiac nas čakaje sud, u vyniku jakoha nas mohuć začynić. Farmalnaja padstava – handal knihami bieź licenzii ministerstva infarmacyi. My vosiem razoŭ źviartalisia ŭ hetaje ministerstva i kožny raz admovy rabilisia ŭsio bolš i bolš kafkijanskija. Apošni raz nam admovili praź niapravilna paznačany paštovy indeks.
Tym nie mienš, my adkrytyja dla vas. Prychodźcie!
Da kanca hoda vas čakajuć nastupnyja imprezy:
- 20 śniežnia. Majstar-kłas dla dzietak. «Jak pabudavać zamak?». Pačatak a 14.
- 20 śniežnia. Kaladnyja čytańni dla darosłych z Adamam Hłobusam. Pačatak a 20.
- 21 śniežnia. Kaladnyja čytańni dla dzietak z Uładzimram Siŭčykavym. Pačatak a 14.
- 22 śniežnia. Uručeńnie premii časopisa «PrajdziŚviet» za najlepšyja pierakłady 2013 hodu. Prezientacyja sieryi «PostScriptum», u tym liku knih «Pryhody Šerłaka Chołmsa» i «Padarunak na Kalady» (zbornik śviatočnaha apaviadańnia). Pačatak a 19.
A dalej zyčym vam viasiołych Kaladaŭ i Novaha hoda!
