Łukašenka patrabuje ad urada Biełarusi vieści raźliki z Rasijaj u valucie - dalarach ci jeŭra.
Pra heta jon zajaviŭ na naradzie pa ekanamičnych pytańniach u Minsku 18 śniežnia.
«U apošni čas ja ŭsio čaściej čuju — ach, rasijski rubiel abvaliŭsia, a tam 40% našaha ekspartu, i my niasiem straty, — adznačyŭ kiraŭnik dziaržavy. — Ale što zrobiš, taki ŭ nas siońnia partnior i takaja situacyja ŭ Rasii i Ukrainie — heta taksama naš partnior.
Ale biazvychadnaj situacyi niama. Kali dzie-niebudź niešta hublajem, to treba znachodzić u inšym miescy».
Naprykład, u skaračeńni sabiekoštu. «Pakul žyviem na šyrokuju nahu, Žyrujem i dumajem, što tak budzie i dalej. Nie, treba napružvacca. Mnie va ŭradzie štodnia dakładvajuć ab charčavańni — niama prablem z spažyŭcami ŭ Rasii pa apłacie ŭ rublach. Upaŭ rubiel da 70 za adzin dalar — my takuju canu i zakładvajem. My pracujem pa pieradapłacie, pravilna, tak i pavinna być. Inšaha nie dadziena».
Bolš za toje — uradu pastaŭlena zadača handlavać nie za rasijskija rubli, a za dalary.
«Tak jak my płacim za elektraenierhiju — nie ŭ rublach, a ŭ dalarach. Heta, darečy, niedachop u pracy ŭrada Rasii — treba było daŭno pracavać i patrabavać ź ich, kab jany nam taksama płacili ŭ ćviordaj valucie — u dalarach i jeŭra. Mnie dakładvaje ŭrad, što lod kranuŭsia. Pakupniki našaj pradukcyi ŭ Rasii płaciać u dołarach. Kali ŭ rublach — to ŭ adpaviednaści z kursam na siońniašni dzień, na siońniašni čas», — padkreśliŭ Łukašenka.
Alaksandr Łukašenka adznačyŭ, što pa ŭsich hetych pytańniach chočacca pačuć na siońniašniaj naradzie dakładnyja i zrazumiełyja tłumačeńni. «Skardzicca na situacyju niama sensu. My damovilisia: u luboj situacyi pavinny žyć i pracavać, inšaha nie dadziena», — padkreśliŭ kiraŭnik dziaržavy.
