Apošnija 50 hod u daśledavańni
Kali b vy chacieli napisać amierykanski chit 1890 hoda, jon musiŭ być pra Dziaźku Džoša Kiejsi i staroha Majkła. Nie pytajcie, chto jany. U 2014-m efiektyŭniej śpiavać niešta kštałtu «Čort nas dziary, my nachren pamrem!», tak što N.R.M. paśpiašalisia sa svaim chitom 1999 hoda.
Adnojčy Devid Tejłar palenavaŭsia ŭklučyć vypadkovy paradak piesień na svaim iPod i zaŭvažyŭ, što mnostva piesień 1930-40-ch pačynalisia sa słova «in» («In the Wee Small Hours of the Morning,» «In the Still of the Night»).
Jak sapraŭdny fanat analizu źviestak, jon pajšoŭ dalej dy praanalizavaŭ najbolš charakternyja słovy ŭ nazvach piesień dla kožnaj dekady z 1890 hoda siarod papularnych u čartach amierykanskaha časopisa Billboard.
Z daśledavańnia možna zrabić mnostva cikavych vysnoŭ.
- 10-ja hady XXI stahodździa stali bolej vulharnymi («piekła» jak miesca i jak voklič dy ŭniviersalnaja łajanka «fuck»), ale i bolej kampaniejskimi («my» zamiest «ty» i «ja» ŭ 90-ch).
- Bolšaść papularnych kaladnych piesień napisanyja ŭ 50-ja, jak vynik samyja papularnyja pieśni 50-ch majuć u naźvie «kalady» i «čyrvonanosy».
- Ź niekatorych «słoŭ dziesiacihodździa» składajucca asensavanyja nazvy: «Hell Yeah, We Die, Fuck!» (2010). «Ya Breathe It Like U» (2000), «You Get Up, U Thang» (1990), «Don't Rock On Fire, Love» (1980), «Sing, Moon, In A Swing» (1930).
- Pa nazvach piesień možna adsačyć papularnyja žanry ŭ roznyja hady: źviarnicie ŭvahu na słovy «rag» (žanr u nas viadomy jak «rehtajm»), «blues», «swing», «boogie», «polka», «mambo», «twist», «disco» dy «rock».
- Samyja staryja pieśni z bazy źviestak majuć u naźvie słova «stary».
