Raśsielhasnahlad źniaŭ zabaronu na pastaŭki miasnoj i małočnaj pradukcyi z 12 pradpryjemstvaŭ Biełarusi. Adpaviednaja infarmacyja źmiaščajecca ŭ paviedamleńni kantrolnaha viedamstva.
Taksama čakajucca rašeńni pa pastaŭkach ź jašče šaści kampanij, jakija buduć pryniatyja paśla «detalovaha analizu materyjałaŭ pravierki». Pry hetym viedamstva raźličvaje, što Minsk pačnie siertyfikacyju praduktaŭ 12 pradpryjemstvaŭ tolki paśla likvidacyi ŭsich vyjaŭlenych parušeńniaŭ.
Raśsielhasnahlad taksama źviarnuŭ uvahu na niezdavalniajučy stan łabaratornaj bazy i ŭzroŭniu viedaŭ biełaruskich śpiecyjalistaŭ.
Pry hetym pytańnie ab źniaćci časovych abmiežavańniaŭ na pastaŭku pradukcyi z vaśmi pradpryjemstvaŭ, dzie byŭ znojdzieny virus afrykanskaj čumy śviniej, nie razhladajecca da atrymańnia ad vietsłužby Biełarusi poŭnaha pakieta materyjałaŭ pa raśśledavańni vypadkaŭ zaražeńnia.
18 śniežnia premjer-ministr Biełarusi Michaił Miaśnikovič zajaviŭ, što na rasijskim handlovym kirunku za hod Minsk straciŭ 739 młn dalaraŭ.
