Apazicyjny aktyvist Vasil Parfiankoŭ, jaki znachodzicca ŭ Biełarusi pad previentyŭnym nahladam, pajechaŭ 19 śniežnia va Ukrainu,
paviedamiŭ namieśnik staršyni hramadskaha abjadnańnia «Alternatyva» (Łatvija) Illa Dabratvor.
Pavodle jaho słoŭ, Parfiankoŭ viartacca ŭ Biełaruś nie maje namieru i źbirajecca «abaraniać Ukrainu ad rasijskich akupantaŭ».
Nieabchodna adznačyć, što ŭ Lvoŭskaj vobłaści znachodzicca žonka Parfiankova z 11-miesiačnym dziciem.
U 2011 hodzie Parfiankoŭ byŭ asudžany ŭ miežach kryminalnaj spravy ab masavych biesparadkach u Minsku 19 śniežnia 2010 hoda. Jaho pryhavaryli da 4 hadoŭ pazbaŭleńnia voli ŭ kałonii strohaha režymu, ale ŭ žniŭni taho ž hoda asudžany vyjšaŭ na volu na padstavie ŭkaza prezidenta ab pamiłavańni. Paśla hetaha były palitźniavoleny nieadnarazova praśledvaŭsia z boku ŭład, što pravaabaroncy razhladajuć jak pomstu i sprobu cisku na hramadskich aktyvistaŭ.
Parfiankoŭ byŭ uziaty pad vartu 5 śniežnia 2013 hoda padčas abnarodavańnia pryhavoru pa art. 421 KK (nievykanańnie patrabavańniaŭ previentyŭnaha nahladu). Pryhavorany da hoda pazbaŭleńnia voli z adbyvańniem pakarańnia ŭ papraŭčaj kałonii va ŭmovach strohaha režymu. Niekalki apošnich miesiacaŭ Parfiankoŭ dasiedžvaŭ termin u adzinočnaj kamiery. Aktyvist byŭ vyzvaleny 5 śniežnia, hod previentyŭnaha nahladu byŭ jamu pryznačany jašče ŭ kałonii ŭ Horkach.
