Historyja z «Intervju», peŭna, pačałasia 24 listapada, kali chakiery ŭzłamali kampjutary kinakampanii Sony Pictures. Supracoŭniki kampanii tady pabačyli na svaich kampjutarach paviedamleńnie:

«Uvaha! My papiaredžvali vas, i heta tolki pačatak. My nie spynimsia, pakul našyja patrabavańni nie buduć vykananyja. My avałodali vašymi źviestkami, u tym liku sakretnymi i zvyšasakretnymi». 

Adkaznaść za ataku na siabie ŭziała hrupoŭka #GOP. Na vykanańnie patrabavańniaŭ davałasia mieniej za dzień.

Ale biada: chakiery nie vystavili patrabavańniaŭ ni da, ni paśla «času iks». 

Praz peŭny čas u volnym dostupie źjaviŭsia šerah filmaŭ Sony, a taksama frahmienty pryvatnaj pierapiski.

Sa skradzienych źviestak kinamany daviedalisia ab mnohich płanach Sony, zarpłatach supracoŭnikaŭ i intymnych padrabiaznaściach ich žyćcia. Mahčyma, chakiery vyjšli na suviaź z kampanijaj, ale Sony nie zhadziłasia na ich patrabavańni.

Kim Čen Yn. Fota: NBC News

Kim Čen Yn. Fota: NBC News

Va ŭzłomie adrazu zapadozryli Paŭnočnuju Kareju. Pa-pieršaje, u kodzie, što vykarystoŭvali chakiery, znajšlisia ślady karejskaj movy. Pa druhoje, pryhadałasia, što Paŭnočnaja Kareja niadaŭna skardziłasia ŭ AAN na małaviadomy na toj momant film «Intervju». I chacia film «ahidny narodu Karei», Kim Čen Yn jaho «chutčej za ŭsio pahladzić».

KNDR spačatku admaŭlała ŭdzieł u atakach, zatym vykazała simpatyju ŭzłomščykam («pravaje dzieła!»).

U kamientarach pradstaŭnik Dziaržkamitetu abarony KNDR patłumačyŭ: sprava ŭ tym samym «Intervju». Toje, što pakazvajecca ŭ filmie, čynoŭnik nazvaŭ «zaklikam da terarystyčnaha aktu».

Kadr ź filma «Intervju»

Kadr ź filma «Intervju»

Pa siužecie «Intervju» žurnalist Dejv i jaho siabra Aaran chočuć uziać intervju ŭ Kim Čen Yna, ale CRU daje im zadańnie zabić dyktatara. U internet trapiła malaŭničaja scena pahibieli Bliskučaha Tavaryša — takoj abrazy KNDR nie paciarpieła.

Teoryja pra suviaź atak z «Intervju» paćvierdziłasia 16 śniežnia: chakiery pryhrazili «paŭtareńniem 11 vieraśnia», to značyć masiŭnymi teraktami, u vypadku vychadu «Intervju» ŭ prakat.

Premjera spačatku była admienienaja ŭ šerahu kinateatraŭ Ńju-Jorka, a zatym i pa ŭsich Štatach. Film nie budzie vypuskacca i na dyskach ci ŭ anłajn-kinateatrach.

Mnohija kinateatry nie zdalisia i abiacali pakazać zamiest «Intervju» stužku «Kamanda Amieryka: Suśvietnaja palicyja» ad stvaralnikaŭ «Saŭt Parka», dzie hałoŭnym złodziejem źjaŭlajecca Kim Čen Ir, baćka Kim Čen Yna.

Ale Sony zabaraniła pakazvać i hety film.

Čarli Čaplin u filmie «Vialiki dyktatar»

Čarli Čaplin u filmie «Vialiki dyktatar»

Z krytykaj na takuju cenzuru nakinuŭsia Džordž Marcin, aŭtar «Pieśni lda i połymia» («Hulnia tronaŭ»), dy pryhadaŭ film Čarli Čaplina «Vialiki Dyktatar» z Čarli Čaplinym, jaki nie admianili napiaredadni Druhoj suśvietnaj vajny. Jon prapanavaŭ pakazać «Intervju» ŭ svaim pryvatnym kinateatry.

Krytykavaŭ Sony i słavuty piśmieńnik Paŭła Kaelja. U svaim tvitary jon prapanavaŭ vykupić pravy na film za 100 tysiač dalaraŭ, kab samastojna jaho raspaŭsiudžvać, a Kim Čen Yna nazvaŭ «novym hiendyrektaram Sony».

Narešcie, ab admienie filma vykazaŭsia i prezident ZŠA Barak Abama.

Jon miarkuje, što Sony, pahadziŭšysia na admienu filma, paddałasia na sproby dyktatara ŭvieści cenzuru ŭ ZŠA, dy što pierad hetym varta było paraicca asabista ź im. U svaju čarhu Sony nahadali, što kinateatrami vałodajuć nie jany, a prakatčyki.

***

Niadaŭna FBR aficyjna abvinavaciła Paŭnočnuju Kareju va ŭzłomie pa vynikach rasśledavańnia. Mahčyma, uzłom adbyvaŭsia nie biez dapamohi Kitaja. Ale vykazvajucca mierkavańni, što ataka nie źviazanaja ź filmam, a prosta praciahvaje šerah vypadkovych kibieratak.

Dla taho, kab film dajšoŭ da hledača, kampanija BitTorrent prapanavała kampramisny varyjant: razdać kino praz tarenty za peŭnuju płatu.

Takim čynam i atakavać nie budzie kaho (film raspaŭsiudžvajuć sami karystalniki, usich nie pieraviešaješ), i Sony atrymaje prybytak.

Adkazu Sony na hetuju prapanovu nie praśledavała, ale kampanija raniej śćviardžała, što budzie šukać lubyja šlachi dla raspaŭsiudžu stužki.

Vierahodna, vypusk filma anłajn zaraz zastajecca adzinym ratavańniem Sony ŭžo nie ad chakieraŭ, a ad krytyki.

Zapusk bałonikaŭ na terytoryju Paŭnočnaj Karei. Fota z archivu Reuters.

Zapusk bałonikaŭ na terytoryju Paŭnočnaj Karei. Fota z archivu Reuters.

Zmahary za svabodu Paŭnočnaj Karei majuć svaje šlachi raspaŭsiudu «Intervju»: jany prapanavali zapuścić u KNDR bałoniki, da jakich budzie pryčeplenaja kopija filma. Takimi šlachami raniej jany raspaŭsiudžvali i charčavańnie, i zvykłuju papiarovuju prapahandu, i fłeški z archivam Vikipiedyi.

Kinakrytyki tym časam pryniali «Intervju» chałodna.

Niekatoryja śćviardžali, što film tolki i stvorany dla skandału, druhija kazali, što hladzieć taki film — katavańnie samoha siabie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?