Upraŭleńnie infarmacyi i hramadskich suviaziaŭ Nacyjanalnaha banka raspaŭsiudziła infarmacyjnaje paviedamleńnie.
Kamisijny zbor uviedzieny z 20 śniežnia 2014 hoda pa ŭsich apieracyjach kupli fizičnymi asobami zamiežnaj valuty, uklučajučy apieracyi pa:
— kupli zamiežnaj valuty ŭ abmiennych punktach i kasach bankaŭ;
— kupli zamiežnaj valuty z dapamohaj bankaŭskaj apłatnaj kartki praz bankamat;
— pieraafarmleńni ŭ zamiežnuju valutu srodkaŭ, jakija znachodziacca na biahučych (raźlikovych) bankaŭskich rachunkach i ŭ terminovych bankaŭskich układach (depazitach) u biełaruskich rublach;
— praviadzieńni raźlikaŭ u sietcy Internet na karyść nierezidentaŭ z vykarystańniem rekvizitaŭ bankaŭskich płaciežnych kartak, vydadzienych da rachunkaŭ u biełaruskich rublach;
— apłacie tavaraŭ i pasłuh za miažoj z dapamohaj bankaŭskich płaciežnych kartak (uklučajučy kartki mižnarodnych płaciežnych sistem VISA i MasterCard), vydadzienych da rachunkaŭ u biełaruskich rublach;
— źniaćci za miažoj najaŭnych hrašovych srodkaŭ z vykarystańniem bankaŭskich płaciežnych kartak, vydadzienych da rachunkaŭ u biełaruskich rublach.
Kamisijny zbor spahaniajecca ŭ pamiery 30 pracentaŭ ad sumy hrašovych srodkaŭ u biełaruskich rublach, jakija padlahajuć vypłacie banku.
