Da finansavaha kryzisu Rasiju pryviało nie stolki padzieńnie cenaŭ na naftu, kolki strata hramadstvam svabody i davieru da ŭłady.
Takoje mierkavańnie vykazaŭ Michaił Chadarkoŭski ŭ zajavie da hadaviny svajho vyzvaleńnia ź miescaŭ pazbaŭleńnia voli. Zajava apublikavanaja 20 śniežnia na sajcie Chadarkoŭskaha.
«Tak, padajuć ceny na naftu. Ale ŭzrovień žyćcia ŭ Rasii padaje katastrafična nie z-za hetaha. U Narviehii ci navat Nihieryi, jakija prykładna tak ža zaležać ad nafty jak Rasija, valuta zvaliłasia na 12-15%. Hramadzianie nie stracili dźvie traciny źbieražeńniaŭ i dachodaŭ. Niama paniki na biržy, staŭka nie ŭźlataje da 17%», — havorycca ŭ zajavie.
Sapraŭdnuju pryčynu kryzisu Chadarkoŭski bačyć u tym, što «Hetaj ŭładzie bolš nichto nie daviaraje. Ni ŭnutry krainy, ni zvonku.
Navat tyja, chto na słovach demanstruje haračuju padtrymku kursu Pucina, biahuć u abmieńniki, pakul kurs dalara nie vyras jašče bolš».
Tolki pry svabodnym uzajemadziejańni ludziej, ličyć Chadarkoŭski, «mahčyma stvareńnie bahaćcia i dabrabytu.
Pry hetym za apošnija dziesiać hadoŭ, na jaho dumku, Rasija «admoviłasia ad voli nibyta na karyść dabrabytu», paćviardžajučy svoj vybar tezisami pra toje, što «sapraŭdnaj svabody nidzie niama», a «prostyja ludzi da jaje nie hatovy».
Svabodu, jak śćviardžaje eks-kiraŭnik JUKASa, «pramianiali na mocnuju ruku», spadziejučysia, što jana «budzie karmić, a nie dušyć».
Adnak rasijskaja ŭłada «choča vyrašać, z kim jaje hramadzianie pavinny vieści biźnies, ad kaho atrymlivać srodki na hramadskuju dziejnaść, kaho ličyć adnym, a kaho voraham», skazaŭ Chadarkoŭski.
