Sud nad režysioram Volhaj Mikałajčyk 20 śniežnia ŭsio ž taki adbyŭsia.
Kali Volhu ranicaj pryvieźli z Maskoŭskaha RUUSa ŭ sud, vyśvietliłasia, što zhubiŭsia pratakoł. Pasiedžańnie pieranieśli na 14-ju hadzinu. Pratakoł tak i nie znajšli, tamu skłali novy. Volha jaho nie padpisała, tamu što, na jaje dumku, tam było šmat niestykovak: ściah byŭ nazvany bieła-čyrvonym, pavodle dakumenta, u 21:03 pastupiŭ syhnał u milicyju pra niesankcyjanavany pikiet, a ŭ pratakole napisana, što zatrymali Volhu ŭ 20:30. Śviedki z boku milicyjantaŭ u Maskoŭski sud tak i nie źjavilisia.
Tym nia mienš, a 17-j hadzinie sudździa Taciana Motyl pačała razhlad spravy. Dziakujučy advakatu, niekatoryja niestykoŭki ŭdałosia źniać. Prykładna paŭhadziny doŭžyłasia pasiedžańnie. U vyniku sudździa aštrafavała Volhu Mikałajčyk na 2 miljony rubloŭ.
Volha Mikałajčyk była zatrymanaja ŭviečary 19 śniežnia kala Čyrvonaha kaściołu, dzie ładziłasia akcyja pamiaci padziej 19 śniežnia 2010 hodu.
