Premjer-ministr Michaił Miaśnikovič ličyć, što adnaŭleńnie pastavak u Rasiju biełaruskaj pradukcyi idzie marudna z-za taho, što partniory chočuć pryhoža vyjści ź situacyi. Ab hetym kiraŭnik urada zajaviŭ žurnalistam, paviedamlaje BiełTA.

Pavodle jaho słoŭ, asnoŭnyja pradpryjemstvy ŭžo adkryty i davoli paśpiachova pracujuć, u tym liku na ekspart.

Jašče kala 10 pakul nie adnavili ekspartnyja pastaŭki. Pałavina ź ich była zakryta z-za vyjaŭleńnia hienoma AČS. Michaił Miaśnikovič raskazaŭ, što cikaviŭsia ŭ śpiecyjalistaŭ, ci moža hienom transfarmavacca ŭ virus. «Mnie było adnaznačna skazana, što heta niemahčyma», - adznačyŭ kiraŭnik biełaruskaha ŭrada.

Biełaruski bok viadzie daśledavańni na pradpryjemstvach razam z Raśsielhasnahladam.

«My adkryty, u nas nijakich tajn niama. Jany chodziać tam uzdoŭž-upopierak, usio ahledzieli, usie dakumienty padniali. My im usio pradastavili. Raźličvajem, što budzie adpaviednaje razumieńnie. Heta razumieńnie nie prosta mnoj dekłarujecca, u jaho asnovie rašeńni, jakija prymajucca na ŭzroŭni ŭradaŭ», — adznačyŭ Michaił Miaśnikovič.

Jon nahadaŭ, što 19 śniežnia adbyłasia sustreča vice-premjera Michaiła Rusaha i namieśnika staršyni ŭrada Arkadzia Dvarkoviča.

Byli razhledžany ŭ tym liku pytańni adnaŭleńnia pastavak, dadzieny adpaviednyja daručeńni dla aktyvizacyi hetaha pracesu.

Michaił Miaśnikovič akcentavaŭ uvahu na tym, što abjomy prodažaŭ biełaruskich praduktaŭ charčavańnia ŭ Rasiju na 2015 hod užo ŭzhodnieny. Jany vyšejšyja, čym u biahučym hodzie.

«Heta jašče raz śviedčyć ab tym, što našy pradukty charčavańnia na rynku Rasii zapatrabavany. Ciapier my aktyŭna pracujem z canoj.

Z-za devalvacyi rasijskaha rubla my handlujem u nul, a pa niekatorych hrupach navat u minus.

Ale my razumiejem, što ceny ŭ Rasii ŭsio ž taki buduć pavyšacca, dachodnaść našaha ekspartu raści. My pavinny zachavać hetyja rynki», — padkreśliŭ Michaił Miaśnikovič.

«Prablemy i ciažkaści, jakija pieražyvaje Rasija — heta reč nie kanjunkturnaja. I my nie pavinny imknucca atrymać vyhadu na hetym. My dabiarom za košt efiektu maštabu, za košt taho, što ŭ dalejšym adnovicca dachodnaść našaha ekspartu», — reziumavaŭ premjer.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?