«Dzień vinšavanki, jaki byŭ zapłanavany na 18 hadzinaŭ 22 śniežnia u Minskaj abłasnoj biblijatecy imia A. S. Puškina, pieranosicca na inšy dzień. 

Źmieny adbylisia pa niezaležnych ad nas abstavinach. Kali budzie pryznačany dakładny čas praviadzieńnia mierapryjemstva, my dadatkova paviedamim praz srodki masavaj infarmacyi i sacyjalnyja sietki», — paviedamlajuć arhanizatary, kulturnickaja placoŭka «Biełaruskaja Prastora» (www.Prastora.by).

Jak paviedamiŭ ź miesca karespandent NN, supracoŭniki biblijateki spačatku tłumačyli ludziam, što «arhanizatary pamianiali miesca». Paśla źjavilisia sami arhanizatary i abvierhli heta. Kamientaroŭ ad kiraŭnictva biblijateki niama bo dyrektarka, pavodle słovaŭ supracoŭnikaŭ, «na balničnym».

Arhanizataram u biblijatecy za niekalki hadzin da imprezy skazali, što zała nie hatovaja i mocna vybačalisia, što nie mohuć dazvolić tam imprezu.

Ciapier kala biblijateki kala dvuch dziasiatkaŭ čałaviek, arhanizatary razdajuć im paštoŭki-vinšavanki. Ludzi padychodziać. Taksama naviedvalnikam prapanujecca pavinšavać biełarusaŭ z nadychodziačymi śviatami.

Dzień vinšavanki musiŭ prajści pad devizam: «Vinšujem pa-biełarusku!»

Biełarusaŭ vočna i zavočna mielisia vinšavać: Lavon Volski, Pavieł Arakielan, Źmicier Vajciuškievič, Hienadź Aŭsiańnikaŭ, Andrej Chadanovič, Źmicier Bartosik, Sierž Minskievič, Valaryna Kustava, Leanid Drańko-Majsiuk, Alena Masła, Jury Žyhamont, Łarysa Miatleŭskaja, Aksana Sprynčan, Jaraš Mališeŭski, Aleś Paškievič, hurt GUDA i Škoła tradycyjnaha mastactva dy inšyja.

Byli zapłanavanyja kaladny kirmaš z padarunkami, častavańnie smačnaj «Kaladnaj harbataj» i mahčymaść pavinšavać siabroŭ, blizkich i dalokich svajakoŭ videa-vinšavankaj.

Pakul nie budzie vyrašana pytańnie ź miescam imprezy, Dzień vinšavanki pierachodzić u anłajn

i nabyvaje farmat videavinšavańniaŭ. Usie vystupoŭcy, jakija płanavali vystupić 22 śniežnia zrobiać heta pry dapamozie sučasnych techničnych srodkaŭ. Takim čynam, «Biełaruskaja Prastora» zapuskajem biesterminovuju akcyju «Vinšujem pa-biełarusku!» – i zaprašaje kožnaha ŭziać u joj udzieł, zrabiŭšy svaju videavinšavanku».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?