Žanr: multfilm, pryhody
Režysior: Styŭ Łoter
U rolach: Dženifier Hudvin, Razarya Doŭsan, Rejvien, Mej Uitman, Lusi Lju, Tomas Lenan, Miehan Chiłci
76 chv., ZŠA
Animacyjnaja kazka raskaža historyju pra fieju Faŭnu, jakaja žyvie razam ź inšymi fiejami na čaroŭnym vostravie siarod akijana.Faŭna najbolš cikavicca dziŭnymi i niebiaśpiečnymi žyviołami, tamu adnojčy, sustreŭšy nieviadomuju istotu vieličeznych pamieraŭ, jana imkniecca najpierš pasiabravać ź joj. Adnak atrad fiej vyviedki na čale ź Niks nie nastolki ŭpeŭnienyja ŭ hetym strašnym źviery, jany majuć namier zachapić Pačvaru, pierš čym jon źniščyć ich damy. Faŭna, kab vyratavać svajho novaha siabra, imkniecca dakazać usim, što jon — dobry źvier i nie źbirajecca škodzić inšym.
Hety multfilm — šosty ŭ dyśniejeŭskaj sieryi poŭnamietražnych multfilmaŭ pra fieju Dziń-Dziń (hierainia knih «Piter Pen i Vendzi» Džejmsa Bary) i jaje narod. Choć tut jaje piersanaž zusim nie hałoŭny — jana źjaŭlajecca tolki siabroŭkaj Faŭny. Dobraja dyśniejeŭskaja kazka raźličanaja na małodšuju aŭdytoryju. Prostaja animacyja hierojaŭ chaj nie biantežyć darosłych: poŭść źviera namalavanaja nadzvyčaj jakasna, jak i inšyja vizualnyja efiekty.
