Eks-prezident Ukrainy Viktar Janukovič, jaki źbieh z Ukrainy, upeŭnieny, što lidary apazicyi vyrašyli jaho zabić paśla niaŭdałaj sproby adpravić u adstaŭku. Pra heta były lidar zajaviŭ u intervju Arhumientam i faktam.
«U ich byŭ adzin vychad — znajści adzin z čatyroch kanstytucyjnych sposabaŭ adchileńnia mianie ad ułady. Impičmient nie ŭdaŭsia. Pryznać mianie niedziejazdolnym, kali ja žyvy i zdarovy, — nierealna.
Zastavalisia jašče dva sposaby: dobraachvotnaja adstaŭka abo śmierć.
Lidary apazicyi patelefanavali mnie i pierakonvali padać u adstaŭku. ja kateharyčna admoviŭsia. Paśla hetaha pačalisia kankretnyja dziejańni, jakija nieśli pahrozu mnie i jakija supravadžali mianie, pa toj infarmacyi, jakuju ja atrymlivaŭ, i, samaje hałoŭnaje, pa sprobach zamachaŭ ja vyrazna zrazumieŭ: mianie vyrašyli zabić», — skazaŭ Janukovič.
Pa słovach eks-prezidenta, 21 lutaha pa darozie ŭ Charkaŭ na jaho kartež byŭ ździejśnieny ŭzbrojeny napad.
«Moj kartež byŭ niekalki razoŭ abstralany. Adzin z achoŭnikaŭ atrymaŭ ranieńni. Mienavita tamu mnie nieabchodna było pierajechać u toje miesca, dzie siłaviki jašče zachoŭvali viernaść prysiazie, padparadkoŭvalisia Hałoŭnakamandujučamu», - skazaŭ Janukovič.
«Užo kali ja znachodziŭsia ŭ Krymie, pierada mnoj jasna ŭźnikła pytańnie: što rabić dalej? Ab dobraachvotnaj zdačy ŭ pałon nie mahło być i havorki.
Zmoŭščyki žyvy Janukovič jak śviedka ich złačynstvaŭ byŭ nie patrebny. Zastavałasia dva varyjanty: albo ja vykarystoŭvaju viernyja mnie siły i adnaŭlaju kanstytucyjny paradak va Ukrainie, albo ja vymušany budu źjechać z krainy. ja vyrazna ŭśviedamlaŭ, što maja sproba adnavić kanstytucyjny paradak u krainie pryviała b da hramadzianskaj vajny. Bo navat pa dadzienych aficyjnych sacyjałahičnych apytańniaŭ, praviedzienych u lutym 2014 h., 47% nasielnictva krainy padtrymlivała Majdan, a 46% vystupała suprać. U hetym vypadku linija frontu prykładna prachodziła b pa Dniapry. I tuju trahiedyju, jakuju ciapier pieražyvaje Danbas, adčuła b na sabie ŭsia Ukraina. Ja pryniaŭ rašeńnie nie padviarhać krainu žacham hramadzianskaj vajny», - patłumačyŭ Janukovič svoj ŭcioki z Ukrainy.
