Padarunak Biła Hiejtsa byŭ vielmi darečnym. Žadańnie, što zapoŭniła dziaŭčyna, było vykananaje: jana atrymała taki šlem, što nasiŭ Łoki ŭ filmach «Tor» i «Pomśniki» pa matyvach komiksaŭ Marvel. Padčas dastaŭki ŭ šlema adkałoŭsia adzin roh, ale jaho možna paramantavać.
Akramia taho, padarunak utrymlivaŭ plušavuju cacku ŭ vyhladzie virusu pałijamijelitu z vočkami, albom sa zdymkami Afryki i siertyfikat, jaki zaćvierdžvaje, što ad imia dziaŭčyny było zroblenaje na vakcyny ad połijamijelitu dla dziaciej biednych krain.
Siertyfikat i albom zdymkaŭ byli padpisanyja asabista Biłam Hiejtsam.
Apošniaje dziaŭčyna nazyvaje samym važnym. «Ja zaŭsiody achviaruju hrošy na dabračynnaść, ale zaŭsiody niašmat, bo sama nie maju mnoha, – piša jana. Ad hetaha ja źziaju sa ščaścia!»
***
«Sakretny Santa» (taksama Pałijana albo Krys Krynhł) – kaladnaja tradycyja ananimnaha abmienu padarunkami ŭ supołcy ludziej. Kožny ŭdzielnik atrymlivaje vypadkovaje imia ci adras, kudy musić adasłać padarunak, a zatym sam atrymlivaje padarunak ad inšaha vypadkova abranaha čałavieka.
Słavuty miljarder, biznesoviec i prahramist Bił Hiejts – adzin z samych bahatych ludziej u śviecie (samy bahaty z 1996 pa 2007 i ŭ 2009 dy 2013 hadach). Taksama viadomy tym, što achviaruje na dabračynnaść miljardy dalaraŭ. Fond Biła i Mielindy Hiejts – najvialikšy ŭ śviecie dabračynny fond, jaki vydaje hrošy na lekavańnie ŚNID, suchotaŭ, malaryi i inšych chvarobaŭ, imunietyzacyju dziaciej Indyi i Afryki, udaskanaleńnie adukacyi ŭ ZŠA.
