Biełarusy pakłapociacca pra mir i dabrabyt na svajoj ziamli.
Pra heta siońnia zajaviŭ Alaksandr Łukašenka na navahodnim dabračynnym śviacie dla dziaciej respublikanskaj akcyi «Našy dzieci».
Źviartajučysia da ŭdzielnikaŭ śviata, Alaksandr Łukašenka padkreśliŭ: «Kožny z vas moža zrabić niešta dobraje dla svajoj krainy. Tym bolš, što nastupny hod abvieščany Hodam moładzi, heta značyć, heta i vaš hod».
«Usie vy, viadoma, čuli kryłatuju frazu «śpiašajeciesia rabić dabro». I ja zaklikaju da hetaha nie tolki darosłych, ale i našych junych hramadzian. Zaraz samy čas dla dobrych spraŭ. Prosta pahladzicie vakoł, što i jak možna zrabić lepš. A my, darosłyja, abiacajem vam, što pakłapocimsia pra mir i dabrabyt na našaj ziamli», — skazaŭ jon.
