Pra niavychad haziety nam paviedamiła čytačka, jakaja chacieła nabyć čarhovy numar «Svobodnych novostiej plus» u adnym z kijoskaŭ «Biełsajuzdruku». Adnak numara ŭ prodažy nie było.
Jak paviedamiŭ «Našaj Nivie» hałoŭny redaktar vydańnia Vasil Zdaniuk, u drukarni prosta admovilisia nadrukavać nakład, nijak heta nie abhruntavaŭšy.
U svaju čarhu namieśnik dyrektara pryvatnaj drukarni «Płutas-markiet» Ihar Višnieŭski patłumačyŭ svaju admovu pałomkaj abstalavańnia. Na pytańnie, čamu inšyja haziety na tym ža abstalavańni ŭsio ž byli nadrukavanyja, jon adkazaŭ tak: «Nu… ramantavali…».
Nakont nastupnaha numara Višnieŭski kankretna ničoha nie skazaŭ.
«U ich vialiki tyraž, a my jašče nie zusim razabralisia… Kali małyja nakłady, to my jašče možam niešta zrabić», — voś i ŭsio tłumačeńnie.
Kab vyjści ź situacyi, hazieta terminova šukaje inšuju drukarniu.
«Svobodnyje novosti plus» — adna z samych papularnych haziet Biełarusi. Jaje nakład pieravyšaje 31 tysiač asobnikaŭ. Jana vychodzić z 1991 hoda.