Alaksandru Łukašenku niezrazumiełyja prapanovy pazbavić škoły nieabchodnaści źbirać makułaturu i mietałałom. Pra heta jon zajaviŭ 24 śniežnia na adkryćci navahodniaha dabračynnaha śviata respublikanskaj akcyi «Našy dzieci».
«Ja ŭspaminaju svajo dziacinstva i školnyja hady i dumaju: a jak abjadnać dziaciej na dobruju spravu? Bo heta ž byŭ zbor makułatury, zbor mietałałomu — i my za heta nikoli nie atrymlivali hrošaj, my zaŭsiody spaborničali dla taho, kab zrabić našu Radzimu bahaciejšaj», — pryvodzić słovy Łukašenki pres-słužba prezidenta.
«Treba bolš kankretnych dobrych spraŭ, jakija buduć davać karyść dziaržavie, pradpryjemstvam, kalektyvam, vašym baćkam, a značyć, i vam», — skazaŭ jon.
Łukašenka pažadaŭ, kab dzieci i maładyja ludzi bolš canili žyvyja znosiny, tamu što elektronnyja pryłady i internet nikoli nie zamieniać sapraŭdnych siabroŭ, ich padtrymki i ŭdziełu.