Raśsielhasnahlad viarnuŭ u Biełaruś 20 ton suchoha abiastłuščanaha małaka, paviedamlaje ŭpraŭleńnie rasijskaha viedamstva pa Branskaj i Smalenskaj abłaściach.
Fakt uvozu ŭ Rasijskuju Fiederacyju suchoha abiastłuščanaha małaka, jakoje supravadžajecca niesapraŭdnym jakasnym paśviedčańniem, byŭ ustanoŭleny inśpiektarami 23 śniežnia padčas praviadzieńnia kantrolna-nahladnych mierapryjemstvaŭ u punkcie papiaredniaha apaviaščeńnia «Čyrvonaja Horka» na rasijska-biełaruskim učastku miažy.
«U suviazi z tym, što pradpryjemstva-adpraŭnik AAT «Zdravuška-miłk» nie zabiaśpiečyła harantyju biaśpieki i jakaści 20 ton pradukcyi, upraŭleńniem Raśsielhasnahladu pryniata rašeńnie pra jaje viartańnie ŭ Biełaruś», — havorycca ŭ paviedamleńni.
Miž tym, AAT «Zdravuška-miłk» u Barysavie (Minskaja vobł.) źjaŭlajecca adnym z najbolš viadomych vytvorcaŭ naturalnych małočnych praduktaŭ u Respublicy Biełaruś, adznačaje aficyjny sajt pradpryjemstva.
«Uvieś kalektyŭ pradpryjemstva na čale z hienieralnym dyrektaram Łapickim Uładzimiram Michajłavičam majuć usie padstavy dla vyrašeńnia važnych zadač pierśpiektyŭnaha raźvićcia kambinata. Bo na pradpryjemstvie pracujuć vopytnyja, kvalifikavanyja śpiecyjalisty, jakija majuć bahaty vopyt u vytvorčaści małočnaj pradukcyi i pastajanna ŭdaskanalvajuć svoj prafiesijny ŭzrovień», - śćviardžajuć na AAT «Zdravuška-miłk».
