Ministr zamiežnych spraŭ Rasii Siarhiej Łaŭroŭ ličyć, što ad pierachodu ŭ raźlikach na jeŭra i dalary Biełaruś stracić bolš, čym Rasija. «Pamiž našymi krainami značny tavaraabarot ź istotnym stanoŭčym salda dla Rasiei. Tamu kali jaho pieravodzić na valutu, to vyjdzie, što Biełaruś pavinna budzie płacić sa svaich valutnych reziervaŭ», - adznačyŭ jon u intervju haziecie «Kommiersant'».
«Kali handal pierakładać na jeŭra i dalary, ja nie dumaju, što heta budzie efiektyŭna, u tym liku z punktu hledžańnia biełaruskaj ekanomiki. Nie dumaju, što heta schiema budzie kankretna prapracoŭvacca», — ličyć Łaŭroŭ.
18 śniežnia Łukašenka zapatrabavaŭ ad urada Biełarusi vieści raźliki z Rasijaj u zachodniaj valucie.
