Staličnyja ŭłady tłumačyć heta patrebaj skaracić čas abjavy. Maŭlaŭ, ciahnik nie ŭpisvajecca ŭ hrafik stajanki, piša Onliner.ru.

— Pa-pieršaje, Hod haścinnaści ŭ Biełarusi skančajecca. Pa-druhoje, anhłamoŭnyja abjavy mocna padaŭžali prypynak. Bo mašynist nie maje prava začynić dźviery, pakul retranślatar nie skončyć paviedamlennz. Spačatku «Aściarožna, dźviery začyniajucca», a potym «Please, mind the closing doors». Ujavicie, kolki heta zajmaje času. Tak što rašeńnie maje prostuju łohiku, nie treba tut šukać padvodnyja kamiani, — prakamientavaŭ rašeńnie pres-sakratar mietrapalitena Andrej Kuźmin.

Adnak mnohija minčuki bačać u tym častkova palityčny krok.

Biełaruskaja mova ŭ tych abjavach była pryroŭnienaja da anhlijskaj. Bolš za toje, dziakujučy nastojlivaści Akademii navuk i kamisii pry Saviecie ministraŭ, pierakład na anhlijskuju ŭ tych abjavach zrabili ź biełaruskaj. «Please mind the closing doors. Next station is Plosca Pieramohi!» — hučała ŭ tych abviestkach. A heta rvała šabłon u biełarusanienaviśnikaŭ, dla jakich naša rodnaja mova niepaŭnavartaja. I jak heta tak: pa-anhlijsku «Plošča Pieramohi», a nie «Ploshchad Pobedy» ci choć by «Victory square»? Ruskija nacyjanalisty patrabavali, kab u mietro hučali abviestki i pa-rasiejsku, a nie tolki pa-anhlijsku.

Jak by ni było, ale «hod haścinnaści skančajecca». Karotki pieryjad, kali Minsk dziela čempijanatu śvietu pa chakiei pasprabavaŭ stać bolš pryjaznym nie tolki dla ruso turysto, a dla haściej z usiaho śvietu, is over. A razam ź im — i dvuchmoŭnyja abviestki ŭ mietro, jakija buduć pamiatnyja našamu pakaleńniu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?