U bližejšyja niekalki sutak u Biełarusi rezka pachaładaje, paviedamlaje sajt pogoda.by.
25 śniežnia ŭmovy nadvorja na terytoryi krainy vyznačajuć aktyŭnyja atmaśfiernyja franty ad cykłona, jaki źmiaščajecca z Bałtyjskaha mora. Jany abumovili zachodni mocny paryvisty viecier i apadki ŭ vyhladzie mokraha śniehu i daždžu. Tempieratura pavietra na praciahu sutak siońnia vahajecca ad 0 da plus 5 ° C, pa poŭnačy minus 1-3 ° C.
26 śniežnia nadvorje abumoviać małaaktyŭnyja atmaśfiernyja franty i chałodnyja pavietranyja masy, jakija źmiaščajucca sa Skandynaŭskaha paŭvostrava. Tamu nočču i ranicaj miescami čakajecca karotkačasovy śnieh, dniom bieź istotnych apadkaŭ. Viecier paŭnočna-zachodni, paŭnočny ŭmierany. Na asobnych učastkach daroh hałalodzica. Tempieratura pavietra na praciahu sutak minus 2-8 ° C, nočču pa paŭnočnym zachadzie da minus 9-12 ° C.
27 śniežnia terytoryja Biełarusi zastaniecca pad upłyvam chałodnych pavietranych mas, jakija pastupajuć z poŭnačy Jeŭropy, i tolki na poŭnačy adabjecca ŭpłyŭ małaaktyŭnaha atmaśfiernaha frontu. Čakajecca pieravažna biez apadkaŭ, tolki dniom miescami ŭ paŭnočnych rajonach karotkačasovy śnieh. Viecier niaŭstojlivy słaby. Na asobnych učastkach daroh hałalodzica. Tempieratura pavietra nočču minus 5-10 ° C, pry prajaśnieńniach da minus 12 ° C, dniom minus 2-8 ° C.
