corriere.it
Pra heta Papa Francišak zajaviŭ 25 śniežnia padčas śviatočnaha pasłańnia, źviartajučysia da tysiač viernikaŭ na vatykanskaj płoščy, z centralnaj łodžyi bazyliki sv. Piatra, paviedamlaje Radyjo Vatykana.
«Niachaj Isus — Zbaŭca śvietu — ścieraže tych, chto pakutuje va Ukrainie i nadoryć hetu lubimuju ziamlu pieraadoleńniem napružanaści, pieramohaj nad nianaviściu i hvałtam i raspačnie novy praces braterstva i prymireńnia», — skazaŭ jon.
Papa taksama źviarnuŭ uvahu na kanflikty ŭ Iraku, Siryi, Livii, Nihieryi, źviarnuŭ uvahu na prablemy biežanstva, pieraśled etničnych i relihijnych hrup.
«Niachaj Isus vyratuje tych dziaciej, jakija źjaŭlajucca achviarami nasilla, stali abjektam handlu ludźmi abo byli vymušany stać sałdatami, stali achviarami złoŭžyvańniaŭ. Niachaj daść suciašeńnie siemjam zahinułych na minułym tydni ŭ Pakistanie dziaciej. Niachaj budzie blizka da ŭsich, chto pakutuje ad chvarob, u pryvatnaści, da achviar epidemij lichamanki Eboła, asabliva ŭ Libieryi, Śjera-Leone i Hviniei. Sardečna dziakujučy tym, chto imkniecca dapamahčy chvorym i ich siemjam, ja znoŭ terminova zaachvočvaju dać im nieabchodny dohlad i lačeńnie», — skazaŭ pantyfik.
