U Hrodnie na rynku zatrymany valutčyk, paviedamili ŭ pres-słužbie UUS Hrodzienskaha abłvykankama.
Supracoŭniki adździeła pa baraćbie z ekanamičnymi złačynstvami Kastryčnickaha rajadździeła milicyi Hrodna vyjavili fakt niezakonnych valutnych apieracyj na rynku «Paŭdniovy».
Miascovy žychar 1982 hoda naradžeńnia, jaki nidzie nie pracuje, nie majučy adpaviednaha dazvołu abmianiaŭ $ 50 na Br715 tys. Kurs skłaŭ Br14,3 tys. U jakaści druhoj boku ździełki vystupiła miascovaja žycharka 1966 naradžeńnia. Pradmiet ździełki jak u zamiežnaj valucie, tak i ŭ biełaruskich rublach kanfiskavany. Mužčyna pazbaviŭsia taksama inšych hrošaj, jakija byli pry im, — $200. U dačynieńni da ŭdzielnikaŭ ździełki składzieny administracyjnyja pratakoły.
Va UUS nahadali, što za niezakonnyja valutnyja apieracyi praduhledžanaja jak minimum administracyjnaja adkaznaść. Tamu ŭ pahoni za sumnieŭnaj vyhadaj nie varta karystacca pasłuhami inšych asob, a ździajśniać valutna-abmiennyja apieracyi vyklučna ŭ aficyjnych miescach.