MUS rapartuje pra masavyja zatrymańni valutčykaŭ. Ale niachitry analiz milicejskaj statystyki śviedčyć pra toje, što nivodnaja bujnaja ryba na kručok nie patrapiła. Usie ci amal usie zatrymanyja — nie valutčyki, a prostyja hramadzianie, jakija nie chacieli raźvitvacca sa svaimi valutnymi aščadžeńniami za biascenak.
Milicyja rapartuje pra kanfiskacyju ŭ dvanaccaci hramadzian 2363 dołaraŭ ZŠA, 26 tysiač rasijskich rublej i 30,8 miljona biełaruskich rubloŭ. Z hetych sum na čatyroch čałaviek, na jakich milicejskaja zvodka spyniłasia asobna, prypadaje 1265 dołaraŭ i 30,4 miljona rublej.
Takim čynam, u astatnich piatnaccaci «valutčykaŭ» kanfiskavali trochi bolš za 1500 dołaraŭ u ekvivalencie. 100 dołaraŭ na čałavieka! Vy možacie sabie ŭjavić prafiesijnych valutčykaŭ, źmieściva kišeniaŭ i partfielaŭ jakich abmiažoŭvajecca takimi sumami?
Pakazalna, što ŭ piatnaccaci niaŭdach kanfiskavali amal vyklučna valutu (kali nie ličyć niaščasnyja 300 tysiač rublej). Značyć, razmova idzie nie pra pary «kupiec — pradaviec», a tolki pra adzin bok ździełki.
Vyhladaje, što hetyja «złačyncy» — achviary pravakataraŭ u cyvilnym. Jany paddalisia na prapanovu atrymać trochi bolš, čym im abiacajuć abmieńniki. Pravakatary i byli druhim bokam ździełak, tamu ich hrošy nie byli skanfiskavany i nie trapili ŭ milicejski rapart.
Sapraŭdnyja valutčyki, peŭna, hučna rahočuć nad takimi pośpiechami biełaruskaha MUS.
