Palitykam hoda my abrali nie Uładzimira Pucina, jaki licha skinuŭ fihury z doški suśvietnaj palityki, pišacca ŭ tłumačeńni vydańnia, jakoje źjaŭlajecca bujniejšym biznes-hazietaj Rasii, — i nie Anhiełu Mierkiel, jakaja paviała Jeŭropu suprać Rasii. I navat nie Si Czińpina, jaki tolki ŭmacavaŭ svoj upłyŭ z-za hetych padziej. Palityk hoda — Alaksandr Łukašenka, jakoha na Zachadzie lubiać nazyvać «apošnim dyktataram Jeŭropy» i jaki navučyŭsia žyć pad žorstkimi zachodnimi sankcyjami zadoŭha da taho, jak z anałahičnymi prablemami niečakana sutyknułasia Rasija.
mk.ru
Kiraŭnik Biełarusi ŭ 2014 prajaviŭ siabie nadzvyčaj ŭmiełym dypłamatam i haspadarnikam.
Hramadzianskaja vajna ŭ susiedniaj krainie pahražała Biełarusi rostam palityčnaj i ekanamičnaj niestabilnaści, ale Łukašenka zdoleŭ paviarnuć hetu patencyjna katastrafičnuju dla jaho situacyju na karyść sabie jak palityku i dziaržavie.
Z samaha pačatku padziej u Kijevie Łukašenka zaniaŭ uzvažanuju pazicyju, nie vykazvajučy adnamu z bakoŭ kanfliktu adnaznačnaj padtrymki. Jon asudžaŭ «kašmar na Majdanie», inśpiravany, na jaho dumku, krainami Zachadu, — ale łajaŭ i raniejšy ŭkrainski ŭrad za pavalnuju karupcyju jak adnu z pryčyn masavych pratestaŭ. Sumniavaŭsia ŭ pravilnaści aryjentacyi novych kijeŭskich uładaŭ na Jeŭropu — ale krytykavaŭ i Mytny sajuz. Asudžaŭ niekanstytucyjnuju źmienu ŭłady va Ukrainie — ale zadoŭha da majskich vybaraŭ pryznaŭ, što Janukovič bolš nie prezident.
Vystupaŭ rezka suprać vajennych dziejańniaŭ — ale ni razu nie ŭsumniŭsia ŭ lehitymnaści novaj ukrainskaj ułady.
U vyniku Minsk staŭ hałoŭnaj placoŭkaj dla mirnaha ŭrehulavańnia, minski farmat — adzina mahčymym, pa pryznańni ŭsich zacikaŭlenych bakoŭ, dla praciahu pieramovaŭ, a sam Łukašenka — ci ledź nie hałoŭnym miratvorcam u Jeŭropie.
Nie kažučy ŭžo pra toje, što Biełarusi ŭdałosia jašče i niadrenna zarabić na rasijskim charčovym embarha, simvałam jakoha stali «biełaruskija krevietki».
Cikava, što čytačy vydańnia prahałasavali za Pucina jak čałavieka hoda.
«Viedomosti» vyznačajuć piersonu hoda ŭ šaści naminacyjach.
Tak, «biznesmienam hoda» staŭ zasnavalnik najbujniejšaha interniet-chołdynha interniet-prodažaŭ Alibaba Group Džek Ma;
«prafiesijanał hoda» — fizik Jeŭrapiejskaha kaśmičnaha ahienctva Met Tejłar, jaki zdoleŭ pasadzić kaśmičny aparat «Fiły» na kamietu Čurumava-Hierasimienki;
«pryvatnaja asoba hoda» — doktar-dabračynca Jelizavieta Hlinka (doktar Liza), dziakujučy jakoj padčas kanfliktu na Danbasie z-pad ahniu ŭ Rasiju i Kijeŭ byli vyviezienyja dziasiatki dziaciej;
kulturny hieroj hoda — režysior Andrej Źviahincaŭ, jaki źniaŭ film «Levijafan».
«Achviarami hoda» nazvany achviary ŭkrainskich padziej.
Ujavić sabie hod tamu, što palityčny kryzis va Ukrainie pryviadzie da straty stolkich ludziej. Heta i achviary na «Instytuckaj», i tyja, chto zhareŭ u Domie prafsajuzaŭ u Adesie, pasažyry małajzijskaha Boinha, achviary bajoŭ na Danbasie.
Ale «miortvych nie padzialić pa katehoryjach. Usie jany chacieli žyć doŭha i ščaśliva», — reziumuje vydańnie.
