Łajniery Airbus A320-200 składajuć asnovu avijaparku kampanii Air Asia. Fota Reuters.
Samalot avijakampanii Air Asia rejsam pad numaram QZ8501 — ź indanezijskaj Surabai ŭ Sinhapur — straciŭ suviaź z naziemnymi słužbami ŭ Džakarcie ŭ 07:24 ranicy pa miascovym časie (23:24 pa Hrynvičy).
Niezadoŭha da hetaha ekipaž mašyny, jakaja lacieła na vyšyni kala 10.500 m, apaviaściŭ dyśpietčaraŭ ab dadatkovym nabory jašče dvuch kiłamietraŭ vyšyni, kab vyjści z hustoj vobłačnaści.
U toj momant, kali zhubiłasia suviaź łajnier pieraadoleŭ kala pałovy šlachu i znachodziŭsia nad akijanam pamiž indaniezijskimi astravami Java i Kalimantan. Surjoznych pryrodnych anamalij u rajonie nie nazirałasia.
Kampanija Air Asia apaviaściła ab pačatku pošukava-vyratavalnaj apieracyi.
Na borcie łajniera Airbus A320-200 znachodzilisia 162 čałavieki.
Siarod pasažyraŭ try paŭdniovakarejcy, adzin brytaniec, adzin małajzijec i adzin žychar Sinhapura, astatnija hramadzianie Indaniezii.
Air Asia, stvoranaja ŭ 1994 hodzie, da hetaha času nie straciła ni adnoj mašyny i źjaŭlajecca adnym z samych efiektyŭnych łaŭkostaraŭ ŭ śviecie. Indaniezijskaja Air Asia na 49% naležyć małajzijskaj kampanii z anałahičnaj nazvaj.
U 2014 hodzie zdarylisia dźvie bujnyja katastrofy z samalotami hałoŭnaha małajzijskaha avijapieravozčyka, kampanii Malaysia Airlines. Adzin «Boinh» 8 sakavika biasśledna źnik nad Indyjskim akijanam, druhi — 17 lipienia byŭ źbity nad Danbasam.
