42-hadovy brytanski akcior Idrys Ełba, viadomy vykanańniem roli Nelsana Mandeły ŭ filmie «Doŭhi šlach da svabody», nie abvierh čutki pra toje, što jon stanie siomym pa liku kiniematahrafičnym Džejmsam Bondam.
«Ahient 007 pavinien być dobry saboj? Rady, kali vy dumajecie, što ja padychodžu! Z Novym hodam!» — napisaŭ jon u subotu ŭ Tvitary.
Paśla chakierskaj ataki na kampaniju Sony Pictures Entertainment ŭ publičnym dostupie źjaviłasia jaje kanfidencyjnaja karparatyŭnaja pierapiska, u tym liku elektronny list kiraŭnika kampanii z frazaj: «Nastupnym Bondam budzie Idrys».
Kamientaroŭ ad Sony Pictures pakul nie pastupała.
Z 1962 hoda byli źniaty 23 filmy pra Bonda, jakija prynieśli ich stvaralnikam bolš za 6 miljardaŭ dalaraŭ. Epapieja pra Bonda stała druhoj pa dachodach paśla «Zornych vojnaŭ».
Pakolki akciory, u adroźnieńnie ad viečna maładoha hieroja, majuć zvyčaj stareć, rolu «ahienta 007» u roznyja hady vykonvali šeść čałaviek.
Apošni «Bond» Denieł Krejh ŭ 2015 hodzie prystupaje da zdymak u 24-m epizodzie pad umoŭnaj nazvaj «Śpiektr», ale ŭžo vykazaŭ žadańnie ŭ dalejšym vyjści z prajekta.
