Pra heta paviedamiŭ kamandujučy siłami ZŠA ŭ Jeŭropie Ben Chadžes. Ź jahonych słoŭ, pastanova pra pavieličeńnie kolkaści bronietechniki ŭ Jeŭropie była pryniataja jašče 2 hady tamu i nie maje dačynieńnia da kanfliktu va Ukrainie.
Akramia pastavak tankaŭ i bronietransparcioraŭ u navučalnyja centry Niamieččyny, razhladajecca taksama mahčymaść raźmiaščeńnia bronietechniki ŭ Polščy, Rumynii i dziaržavach Bałtyi. Kančatkovaja pastanova ŭ hetym pytańni jašče nie pryniataja, zajaviŭ Ben Chadžes.
«Da kanca 2015 hoda ŭ nas budzie dastatkova techniki, kab abstalavać braniatankavuju bryhadu, 3 bataljony i vyviedvalnuju rotu, artyleryjski štab i inžynierna-techničny skład», - adznačyŭ Ben Chadžes.
Nahadajem, 26 śniežnia ŭ akvatoryju Čornaha mora ŭvajšoŭ amierykanski bajavy karabiel Donald Kuk, misija jakoha — «ŭmacavańnie miru i stabilnaści ŭ rehijonie».
Aficyjnaje pryznačeńnie dadatkovaj bronietechniki — vykarystańnie na vučeńniach.