Pa vynikach 2014 hoda prysudžany piać premij «Za duchoŭnaje adradžeńnie». Adpaviedny ŭkaz kiraŭnik dziaržavy Alaksandr Łukašenka padpisaŭ 30 śniežnia.
Siarod łaŭreataŭ hetaj vysokaj uznaharody — aŭtarski kalektyŭ u składzie nastajaciela relihijnaj abščyny «Prychod chrama abraza Božaj Maci «Usich tužlivych Radaść» u Minsku Minskaj jeparchii Biełaruskaj pravasłaŭnaj carkvy protaijereja Ihara Karaścialova i dacenta Biełaruskaha dziaržaŭnaha piedahahičnaha ŭniviersiteta imia Maksima Tanka Maryny Kraŭcovaj. Ich namahańniami stvorany navučalna-vytvorčyja majsterni pry nazvanym prychodzie dla sacyjalizacyi ludziej ź ciažkimi zachvorvańniami.
Łaŭreatam premii staŭ taksama kalektyŭ Nacyjanalnaha akademičnaha Vialikaha teatra opiery i baleta Respubliki Biełaruś, jaki ŭvasobiŭ nacyjanalna-histaryčnuju tematyku ŭ balecie «Vitaŭt».
U liku łaŭreataŭ i kalektyŭ Respublikanskaha internata vieteranaŭ vajny i pracy, jaki ŭnios vialiki ŭkład u raźvićcio dziaržaŭnaj sistemy sacyjalnaj abarony, umacavańnie idej čałaviekalubstva i miłasernaści ŭ hramadstvie.
Łaŭreatam premii staŭ kalektyŭ Nacyjanalnaha dziciačaha adukacyjna-azdaraŭlenčaha centra «Zubrania», jaki dasiahnuŭ značnych pośpiechaŭ u raźvićci zdolnaściej talenavitych i adoranych dziaciej i padletkaŭ, vychavańni budučych hramadskich lidaraŭ.
Hetaj uznaharody ŭdastojeny i Centralny kamitet Biełaruskaha respublikanskaha sajuza moładzi, jaki ŭnios značny ŭkład u hramadzianskaje vychavańnie i farmiravańnie patryjatyčnaj samaśviadomaści moładzi.
