Rasijski prezident Uładzimir Pucin u navahodnim telezvarocie skazaŭ, što «viartańnie Kryma ŭ skład Rasii» zastaniecca važnaj epochaj rasijskaj historyi.
«Luboŭ da Radzimy — adno z samych vysokich pačućciaŭ. Jano ŭ poŭnaj miery vyjaviłasia ŭ brackaj padtrymcy Sievastopala i Kryma, kali jany vyrašyli viarnucca ŭ rodny dom», - skazaŭ Pucin.
Pucin taksama zajaviŭ, što efiektyŭnaść rašeńnia zadač, jakija stajać pierad krainaj u novym hodzie, zaležyć ad kožnaha žychara.
«U nastupnym hodzie nam razam treba budzie vyrašyć niamała zadač, i hod budzie taki, jaki my sami jaho zrobim, nakolki efiektyŭna, tvorča, vynikova budzie pracavać kožny z nas», - zajaviŭ jon.
Pieršymi videazvarot prezidenta ŭbačyli žychary Kamčatki, dzie ŭžo nastupiŭ 2015.
Na terytoryi Biełarusi sioleta navahodnija zvaroty Pucina i Łukašenki supaduć (my žyviem pavodle adnaho času), ale biełaruskija kanały buduć tranślavać zvarot Łukašenki, zvarot Pucina pakul anansavany tolki pa RTR-Biełaruś.
