VUP Vieniesueły praciahvaje padać. Centrabank Vieniesueły ŭ trecim kvartale hoda zafiksavaŭ skaračeńnie ekanomiki na 2,3%, inflacyja ŭ krainie składaje 63,6%. Navat pa hetych zanižanych aficyjnych ličbach heta amal najhoršyja pakazčyki ŭ śviecie.
Prezident Vieniesueły Nikałas Madura vinavacić u ekanamičnym pravale padzieńnie suśvietnych cenaŭ na naftu.
Ekanamičnyja prablemy Vieniesueły mohuć vyklikać spynieńnie šerahu supolnych biełaruska-vieniesuelskich prajektaŭ. Karakasu prosta moža nie być čym płacić. Mižnarodnyja rejtynhavyja ahienctvy źnizili kredytny rejtynh Vieniesueły da pieraddefołtnaha.