Biełaruskaja Encykłapiedyja, jakaja hod tamu źjaviłasia ŭ adskanavanym vyhladzie na torentach, ciapier dastupnaja i dla anłajn-prahladu pa staronkach. Heta moža być karysnym dla tych, chto nie moža spampoŭvać vialiki abjom i chacieŭ by atrymać chutki dostup da patrebnych materyjałaŭ. Encykłapiedyja dastupnaja na servisach box.com i issuu.com:
— https://app.box.com/bielaruskaja-encyklapiedyja
— http://issuu.com/movazbor/docs
Na box.com možna pierachodzić na patrebnuju staronku, uvioŭšy numar staronki, a taksama vyłučać i kapiravać tekst. Na issuu.com možna šukać pa słovach (adnak varta ŭličyć, što tekst, dastupny ŭ tekstavym słoi fajła, raspaznany pa-čarnavomu i davodzicca najpierš aryjentavacca vizualna na tekst, adlustravany ŭ składzie hrafičnaha słoja).
Biełaruskaja Encykłapiedyja, vydadzienaja ŭ suvierennaj Biełarusi, dapamoža atrymać źviestki pra samyja raznastajnyja rečy i źjavy na biełaruskaj movie, robiačysia takim čynam adnoj z centralnych krynic farmiravańnia biełaruskamoŭnaj prastory i zasvajeńnia viedaŭ biez pasiarednictva inšych moŭ. Z hetaj ža pryčyny jaje možna razhladać i jak aŭtarytetnuju krynicu dla vyrašeńnia moŭnych pytańniaŭ, na jakija niama adkazaŭ u słoŭnikaŭ: dla vyśviatleńnia terminałohii i napisańnia sprečnych nazvaŭ i imionaŭ.
