«Achvotnych datelefanavacca na prostyja telefonnyja linii davoli šmat, adkazać na ŭsie pytańni hramadzian časam prosta brakuje času. Časta ludzi cikaviacca, čamu Minharvykankam nie prysutničaje ŭ «Tvitary», inšych sacyjalnych sietkach. Takuju formu pracy nieabchodna ŭkaranić u stalicy. Bo z dapamohaj sacsietak my mahli b adkazvać na častku pytańniaŭ najbolš aktyŭnych hramadzian «, – zajaviŭ čynoŭnik.
Pa telefonie da hałavy Minharvykankamu štodzień źviartajucca kala 70 čałaviek, ale achvotnych zastajecca kala tysiačy. Funkcyju pieradačyzapytaŭ u dziaržaŭnyja orhany vykonvaje i słužba «Adno vakno», kudy štohod źviartajecca 200 tysiač čałaviek. Daviedki daje telefonnaja słužba pa numary 142.
Biełaruskija dziaržaŭnyja čynoŭniki nasamreč nie mohuć pachvalicca častaj prysutnaściu ŭ sacsietkach. Ale ŭ tym ža «Tvitary» dziejničajuć aficyjnyja akaŭnty Ministerstva nadzvyčajnych spraŭ (@112minsk), Ministerstva ŭnutranych spraŭ (@mvd_by), Ministerstva abarony (@mod_by), Ministerstva zamiežnych spraŭ (@belarusmid) i inšyja. Značnaj papularnaściu (25 tysiač padpisantaŭ) karystajecca ŭ «Tvitery» minskaja milicyja (@guvd_minsk).
Čytajcie taksama: Z čaho pačynałasia Twitter-historyja Biełarusi
