Prykładna 68% karystalnikaŭ sacyjalnych sietak pastajanna chłusiać, sprabujučy prycharašyć svaju na samaj spravie sumnaje žyćcio i paŭstać pierad siabrami bolš cikavymi i jarkimi asobami, piša The Daily Mail.
Psichołahi adznačajuć, što zvyčka chłusić u sacsietkach moža vyklikać «ličbavuju amnieziju». Heta aznačaje, što ludzi buduć zapaminać tolki vydumanuju i prycharošanuju viersiju padziej.
Akramia taho, kala pałovy karystalnikaŭ sacsietak pakutujuć ad paranoi, soramu i sumu, jakija ŭ ich uźnikajuć z-za taho, što jany na samaj spravie nie mohuć adpaviadać prycharošanamu vobrazu, jaki stvaryli na svaich virtualnych staronkach.
Psichołahi ličać taki duch supiernictva ŭ sacsietkach narmalnym, kali ludzi chočuć padzialicca svaimi dasiahnieńniami, pieraŭzychodziačy svaich siabroŭ, adnak paśla ŭ ich uźnikajuć surjoznyja prablemy z uspaminami, a taksama źjaŭlajucca psichałahičnyja rasstrojstvy.
Pavodle vynikaŭ daśledavańnia, uspaminy pra padziei, jakija adlustroŭvalisia ŭ pastach sacsietak, byli skažonyja ŭ kožnaha dziasiataha karystalnika. Pryčym bolš za ŭsio ŭspaminy nie adpaviadali rečaisnaści ŭ maładych ludziej va ŭzroście ad 18 da 24 hadoŭ (16%).
Siarod samych raspaŭsiudžanych tem, dzie ludzi chłusiać, — heta baŭleńnie času, luboŭnyja adnosiny i praca. Tak, vielmi časta tyja, chto na samaj spravie siadzieŭ doma, chłusiać u sacsietkach, raspaviadajučy siabram, što chadzili na viečarynu.
Śpiecyjalisty tłumačać takija pavodziny zajzdraściu. Mienavita heta pačućcio i šturchaje karystalnikaŭ pierabolšvać svoj vobraz u sacsietkach, kab nie zdavacca sumnymi u paraŭnańni z astatnimi.
