Urad vyznačyŭ vypadki, kali staŭka padatku na biržavyja apieracyi pa nabyćci zamiežnaj valuty na tarhach AAT «Biełaruskaja valutna-fondavaja biržy» ustanaŭlivajecca ŭ pamiery nul pracentaŭ. Ab hetym havoryć pastanova Saŭmina, padpisanaja 31 śniežnia 2014 hoda №1275.
Nulavaja staŭka ŭstanaŭlivajecca pry kupli srodkaŭ dla pahašeńnia i absłuhoŭvańnia valutnych kredytaŭ, pryciahnutych dla realizacyi dziaržaŭnych prahram i mierapryjemstvaŭ, a taksama płanaŭ madernizacyi arhanizacyjami, jakim vyznačany pakazčyki efiektyŭnaści raźvićcia na 2013—2015 hady. Z nulavoj pracentnaj staŭkaj nabyvajecca valuta, nieabchodnaja dla pahašeńnia i absłuhoŭvańnia valutnych kredytaŭ biełaruskich bankaŭ, vydadzienych pad harantyi ŭrada i miascovych vykanaŭčych i rasparadčych orhanaŭ. Heta ž tyčycca źniešnich dziaržaŭnych pazyk i zamiežnych pazyk, pryciahnutych pad harantyi ŭrada.
Nulavaja staŭka ŭstanaŭlivajecca taksama pry kupli zamiežnaj valuty dla raźlikaŭ za sojevyja i słaniečnikavy šroty (makuchu), jakija biełaruskija arhanizacyi, indyvidualnyja pradprymalniki nabyvajuć pa cenach, nie vyšejšych za tyja, jakija dziejničali na 18 śniežnia 2014 hoda. Pry hetym vykarystoŭvacca hety tavar pavinien dla ŭłasnaj vytvorčaści (spažyvańnia) na terytoryi Biełarusi albo dla nastupnaj realizacyi biełaruskim arhanizacyjam dla ich ułasnaj vytvorčaści (spažyvańnia) na terytoryi krainy.
Pastanova №1275 ŭstupiła ŭ siłu z dnia jaho pryniaćcia.
