Irmantas Gelūnas, WLL
10 studzienia terytoryja Biełarusi budzie znachodzicca pad upłyvam atmaśfiernych frantoŭ, jakija źmiaščajucca z Zachodniaj Jeŭropy. Čakajecca vobłačnaje z prajaśnieńniami nadvorje.
Na bolšaj častcy terytoryi projduć apadki (śnieh, mokry śnieh, pa zachadzie z daždžom). Miescami słabyja tuman i hałalod. Na asobnych učastkach daroh hałalodzica.
Viecier zachodni paryvisty, nočču miescami mocny paryvisty.
Tempieratura pavietra minimalnaja nočču składzie -5.. + 1°S, maksimalnaja dniom -2.. + 3°S, pa zachadzie da + 5°S.
Atmaśfierny cisk nočču i ŭ pieršaj pałovie dnia budzie raści, u druhoj pałovie dnia budzie padać.
U nastupnyja dvoje sutak, 11-12 studzienia, čakajecca niaŭstojlivaje vietranaje nadvorje. 11 studzienia naša kraina budzie znachodzicca pad upłyvam hłybokaha cykłona, jaki źmiaščajecca z poŭdnia Narviehii na Finski zaliŭ. Nočču i ranicaj na bolšaj častcy, dniom miescami projdzie karotkačasovy śnieh, mokry śnieh, nočču pa poŭdni z daždžom. U asobnych rajonach čakajecca hałalod, na darohach hałalodzica, pa poŭnačy — zavirucha.
U mnohich rajonach mocny paryvisty viecier. Tempieratura pavietra na praciahu sutak -3.. + 4°S.
12 studzienia zachavajecca ŭpłyŭ cykłona z centram nad Leninhradskaj vobłaściu. Časam projdzie śnieh, mokry śnieh. Miescami hałalod, na darohach hałalodzica. Nočču ŭ mnohich rajonach, dniom miescami mocny paryvisty viecier. Tempieratura pavietra na praciahu sutak -3.. +2°S.
